على فكره حياتي اليمه

سمعت بيت قصيد مغنى يقول فيه صاحب القصيده

أنا حياتي كلها هم في هم .. صدمات عمري من زماني عظيمه
(وإذا على الاحزان ماعدت أهتم) .. وأنا على فكره حياتي أليمه

عسى رب العالمين يبعدنا وياكم عن الهم والاحزان والتشائم .. لاكن لما سمعت هالبيت جت في بالي فكره دايم أسأل نفسي عنها .. واحس أني مالقيت الجواب الصحيح

سؤالي هو .. هل صدمات الزمن وهموم الحياه تزيدنا قوة ..؟ أم أن الانسان مع كثرة أحزانه وصدماته يتلبد الاحساس عنده ..؟

لما تمر عليك مشكله أوتنصدم بموضوع معين .. وتلقى نفسك صاحي الصباح ولابس احسن لبس وقاعد تسمع الاذاعه وانت طالع للدوام .. ولا يجي في بالك اللي صار البارح أبداً .. وتحاول تقضي يومك بشكل طبيعي جدا .. تتقن عملك .. وتضحك مع زملائك .. وتتابع إهتماماتك ..

هل تعتقدون أن اللي يعيش الموقف بهالطريقه .. أن احساسه متبلد .. أم ان تجاربه في الحياه وصدماته السابقه زادته قوه ..؟

أتمنى أني قدرت أوصل سؤالي وفكرتي بشكل واضح .. وأتمنى من رب العالمين يديم علينا وعليكم الصحه والعافيه والسعاده ..

تحياتي لكم جميعا ً ،،،